ក្រុមហ៊ុន សូឡា ហ្រ្គីន អេនើជី ខេមបូឌា ខូ អិលធីឌី ដែលហៅកាត់ថា សូជី ត្រូវបានបង្កើតឡើងដោយក្រុមអ្នកបច្ចេកទេសជនជាតិខ្មែរដែលការចាប់ផ្ដើមដំបូងជា សមាគមន៍អភិវឌ្ឍថាមពលកកើតឡើងវិញនៅខេត្តកំពង់ធំ ក្នុងឆ្នាំ២០០៨។​ ចុងឆ្នាំ២០១៣ ក្រុមហ៊ុនសូជីបានចុះបញ្ជីពាណិជ្ជកម្ម នៅក្នុង​ក្រសួងពាណិជ្ជកម្ម និង​ចាប់ផ្ដើមដំណើរការអាជីវកម្មឆ្នាំ២០១៤។ សូជី ផ្ដោតលើការផ្ដល់នូវសេវាកម្មដែលមានគុណភាព និង ការទទួលខុសត្រូវខ្ពស់ដែលជួយដល់សង្គម សេដ្ឋកិច្ច និងបរិស្ថាននៅកម្ពុជា។ ក្រុមហ៊ុនមានគោលបំណង ជួយកាត់បន្ថយការបំភាយឧស្ម័នផ្ទះកញ្ចក់ ជម្រុញកសិករឳ្យប្រើប្រាស់នូវថាមពលស្អាត ដែលជួយបង្កើនទិន្នផលកសិកម្ម បង្កើនចំណូលក្នុងគ្រួសារ និងអភិវឌ្ឍសេដ្ឋកិច្ចក្នុងគ្រួសារ និងសង្គម។

ដោយមានការដកពិសោធក្នុងវិស័យសូឡាជិត២០ឆ្នាំ​ រួមទាំងចំណេះដឹងបច្ចេកទេសច្បាស់លាស់ក្រុមហ៊ុនសូជីអាចផ្គត់ផ្គង់នូវផលិតផលដែលមានការធានានូវគុណភាព ព្រមទាំងឆ្លើយតបទៅនឹងតម្រូវការរបស់កសិករបានសមស្រប។ ក្រុមហ៊ុនសូជី ផ្គត់ផ្គង់នូវផលិតផលនិងសេវាកម្មឈានមុខគេដូចជា ស្ថានីយសូឡាបូមទឹក ប្រព័ន្ធសូឡាបូមទឹកហាយប្រ៊ីត ស្ថានីយសូឡាបូមទឹកស្រោចស្រពឆ្លាតវៃ ប្រព័ន្ធសូឡាហាយប្រ៊ីត ជើងរេស្វ័យប្រវត្តិ  សេវាកម្មថែទាំនិងជួសជុលប្រព័ន្ធសូឡាគ្រប់ប្រភេទ។