ក្រុមហ៊ុន សូឡា ហ្រ្គីន អេនើជី ខេមបូឌា ខូ អិលធីឌី ដែលហៅកាត់ថា សូជី ត្រូវបានបង្កើតឡើងដោយក្រុមអ្នកបច្ចេកទេសជនជាតិខ្មែរដែលការចាប់ផ្ដើមដំបូងជា សមាគមន៍អភិវឌ្ឍថាមពលកកើតឡើងវិញនៅខេត្តកំពង់ធំ ក្នុងឆ្នាំ២០០៨។​ ក្រុមហ៊ុនសូជី បានចុះបញ្ជីពាណិជ្ជកម្ម នៅក្នុង​ក្រសួងពាណិជ្ជកម្មក្នុងឆ្នាំ២០១៤។ សូជី ផ្ដោតលើការផ្ដល់នូវសេវាកម្មដែលមានឥទ្ធិពលល្អយូអង្វែងដល់សង្គម សេដ្ឋកិច្ច និងបរិស្ថាននៅកម្ពុជា។ ក្រុមហ៊ុនក៏មានគោលបំណង ជួយកាត់បន្ថយការបំភាយឧស្ម័នផ្ទះកញ្ចក់ ជម្រុញកសិករឳ្យប្រើប្រាស់នូវថាមពលស្អាត ដែលជួយបង្កើនទិន្នផលកសិកម្ម បង្កើនចំណូលក្នុងគ្រួសារ និងអភិវឌ្ឍសេដ្ឋកិច្ចក្នុងគ្រួសារ និងសង្គម។

ដោយមានការដកពិសោធក្នុងវិស័យសូឡាជាង១០ឆ្នាំ​ រួមទាំងចំណេះដឹងបច្ចេកទេសច្បាស់លាស់ក្រុមហ៊ុនសូជីអាចផ្គត់ផ្គង់នូវផលិតផលដែលមានការធានានូវគុណភាព ព្រមទាំងឆ្លើយតបទៅនឹងតម្រូវការរបស់កសិករបានសមស្រប។ ក្រុមហ៊ុនសូជី ផ្គត់ផ្គង់នូវផលិតផលនិងសេវាកម្មឈានមុខគេដូចជា ស្ថានីយសូឡាបូមទឹកហាយប្រ៊ីត ប្រព័ន្ធសូឡាបូមទឹកហាយប្រ៊ីត ស្ថានីយសូឡាបូមទឹកស្រោចស្រពឆ្លាតវៃ ប្រព័ន្ធសូឡាបូមទឹកស្រោចស្រពឆ្លាតវៃ អាំងវែទ័រហាយប្រ៊ីតសម្រាប់ម៉ូទ័របូមទឹកជើងរេស្វ័យប្រវត្តិ និង​ សេវាថែទាំនិងជួសជុលប្រព័ន្ធសូឡាគ្រប់ប្រភេទ។